Энэ долоо эхэн буюу даваа гарагт Уолт Дисней компани нийт 3 үе шат бүхий орон тооны цомхотголоо эхлүүлэх болсныг мэдэгдэж байсан билээ. Тэгвэл компанийн ажилчдын 3 хувь буюу 7,000 орчим ажилтныг хамрах тус цомхотголын эхний үе энэ лхагва гарагт болжээ.

Улмаар орон тооны цомхотголын хүрээнд хэд хэдэн өндөр албан тушаалтан халагдсан байна.

Орон тооны цомхотголд орсон өндөр албан тушаалтнуудыг авч үзвэл:

Исаак Перлмуттер, Марвел Энтертайнментын дарга. Нью Йорк Таймсаас мэдээлснээр Перлмуттер өөрийн найзыг Диснейн удирдах зөвлөлд оруулах гэж оролдсоны улмаас халагдсан гэнэ.

Роб Стеффенс, Марвел Энтертайнментын ерөнхийлөгчдийн нэг,

Жон Турицин, Марвел Энтертайнментын ахлах зөвлөх,

Жеффри Р.Эпштейн, Диснейн корпорацын харилцаа холбоо хариуцсан газрын дэд ерөнхийлөгч, D23 шүтэн бишрэгчдийн албан ёсны клубийн хэвлэлийн төлөөлөгч,

Элизабет Ньюмэн, Хөгжүүлэлт хариуцсан газрын дэд ерөнхийлөгч,

Дисней метаверс дивизийн бүх ажилтан…

Тийнхүү төлөвлөгөө ёсоор Диснейн орон тооны цомхотголын үлдсэн хоёр үе шатыг ирэх дөрөв болон зургаадугаар сард зохион байгуулах юм.

Эх сурвалж: KTLA 5