Эдийн засгийн хувьд тун хүндхэн нөхцөл байдалтай байгаа Пакистан улсын инфляцын түвшин уг статистик мэдээг гаргаж эхэлснээс хойших хамгийн өндөр түвшинд хүрчээ.
Орон нутгийн цагаар 2-ны өдөр Пакистаны үндэсний статистикийн газраас мэдээлснээр, тус улсын хэрэглээний үнийн индекс өнгөрөгч 3-р сард өнгөрсөн оны мөн үетэй харьцуулахад 35.4 хувиар өссөн байна.
1970-аад оноос хойш сар бүр инфляцын түвшинг хянаж эхэлснээс хойш хүнсний бүтээгдэхүүн болон тээврийн хэрэгслийн үнэ хамгийн өндөр өсөлтийг үзүүлсэн болохыг тус улсын Үндэсний статистикийн хорооны төлөөлөгч мэдэгдэв.
Инфляц өсөхийн хэрээр Пакистаны Төв банк ирэх сард болох мөнгөний бодлогын хурлаар жишиг хүүг дахин нэмэгдүүлэх төлөвтэй байгаа юм.
Пакистаны Төв банк өнгөрөгч 2-ны өдөр бодлогын хүүгээ 17 хувиас 20 хувьд хүргээд байгаа билээ.
Эх сурвалж: YTN