Лхагва гарагт АНУ-ын ерөнхийлөгч асан Доналд Трамп Фокс Ньюс мэдээллийн сувагт өгсөн ярилцлагадаа Норд Стрим хийн шугамыг хэн дэлбэлсэн байж болох талаар ярьжээ.
Фокс Ньюс сувгаас ноён Трампд нэгэн асуулт тавьсан нь түүний бодлоор Норд Стрим хийн шугамын дэлбэрэлтийн ард хэн байсан гэж бодож байгааг лавласан юм. Тэдний асуултын хариуд Доналд Трампийн хариулснаар, “Би өөрийн улсыг асуудалд оруулмааргүй байна. Тиймээс би энэ асуултад хариулахгүй. Гэхдээ миний зүгээс дэлбэрэлтийн ард хэн байгаагүйг хэлж чадна. Энэ бол ОХУ.
Тэдний зүгээс ОХУ-ыг буруутгаж, өөрсдийн хийн шугамыг өөрсдөө дэлбэлсэн хэмээж байсан. Гэвч хийн шугамыг дэлбэлсэн нь ОХУ биш” хэмээжээ.
Норд Стрим хийн шугамын хувьд өнгөрөгч оны есдүгээр сард 4 хоолой нь нэг зэрэг дэлбэрсэн юм. Улмаар улс орнууд мөрдөн шалгах ажиллагаа явуулж, дэлбэрэлтийг хорлон сүйтгэх ажиллагаа байсан хэмээн тодорхойлсон өнөөг хүртэл хэргийг хэн үйлдсэн талаар нэгдсэн дүгнэлтэд хүрээгүй юм.
Эх сурвалж: ТАСС