Пүрэв гарагт АНУ-ын ерөнхийлөгч Жо Байден Колумбын ерөнхийлөгч Густаво Петрог Цагаан Ордонд хүлээн авчээ.

Уулзалтын хүрээнд тэд Колумб улс Украинд зэвсэг нийлүүлэх боломжтой эсэх талаар ярилцсан байна. Үнэн хэрэгтээ талууд Колумб улсын эзэмшдэг Оросын зэр зэвсгийг эргүүлэн өгөх эсэх талаар ярьж эхэлсэн ч яриа үргэлжлэхдээ зэр зэвсгийг Украинд өгөх боломжийг авч үзжээ.

Улмаар ерөнхийлөгч Густаво Петрогийн мэдэгдсэнээр Колумб улс Украинд зэр зэвсэг, цэргийн техник, нэн ялангуяа ОХУ-д үйлдвэрлэсэн нисдэг тэргийг нийлүүлэхгүй гэсэн юм.

Түүний хэлснээр, “Засгийн газрын өнөөгийн байр суурь бол зэр зэвсгийг дайнд ашиглахгүй. Тэдгээрийг Украинд ч, ОХУ-д ч нийлүүлэхгүй. Өнөөгийн бидний эзэмшиж буй Оросын зэр зэвсэг, нисдэг тэргүүдийг манай өмнөх засгийн газраас худалдан авсан” гэжээ.

Эх сурвалж: ТАСС