ОХУ-ын Ерөнхий сайдын тэргүүн орлогч Андрей Белоусовын хэлснээр тус улс 2026 оны сүүл гэхэд нэг жилд үйлдвэрлэх дроны тоогоо 18 мянгад хүргэнэ гэжээ.
Энэ талаар тэр Руднево аж үйлдвэрийн хүрээлэнд дрон хөгжүүлэх хэлэлцүүлгийн үеэр хэлсэн байна.
Түүний мэдэгдсэнээр, “Бидний тооцож байгаагаар 2026 оны сүүл гэхэд ОХУ жилд 18 мянган дрон үйлдвэрлэдэг болно.
Уг тооцоололд нэг килограммаас бага жинтэй хэт хөнгөн дронуудыг оруулаагүй болно. Ингэснээр ОХУ нийт эрэлтийнхээ 52 хувийг өөрсдөө хангах юм.
Одоогийн байдлаар бид нийт эрэлтийнхээ 37 хувийг л өөрсдөө хангаж чадаж байгаа.
Улмаар төлөвлөгөөний дагуу бол ОХУ 2030 он гэхэд жилд нийт 32 мянган дрон үйлдвэрлэж, нийт эрэлтийнхээ 70 орчим хувийг өөрсдөө хангана" гэжээ.
Эх сурвалж: ТАСС