Даваа гарагт Украины ерөнхийлөгч Володимир Зеленський тавдугаар сарын есний өдөр Европын Өдрийг ёсолж байх тогтоолыг баталжээ.
Тогтоол нь Украины төрийн тэргүүний албан ёсны веб хуудаст нийтлэгдсэн бөгөөд тогтоолд өгүүлснээр, “Үүгээр ерөнхийлөгч миний бие жил бүрийн тавдугаар сарын есний өдрийг Украин улсад Европын Өдөр болгож, жил бүр эл өдрийг Европын Холбооны улс орнуудын хамтаар улс нийтээр ёслон өнгөрүүлж байхаар шийдвэрлэж байна” гэсэн байна.
Мөн ноён Зеленськийн зүгээс Дэлхийн хоёрдугаар дайнд амь үрэгдсэн хүмүүсийг дурсаж, ялалтаа тэмдэглэх өдрийг тавдугаар сарын наймны өдөр болгох саналыг дэвшүүлсэн юм.
Украины улсын хувьд өнгөрөгч жилүүдийн хугацаанд тавдугаар сарын есний өдөр Ялалтын баярыг тэмдэглэж ирсэн. Харин тавдугаар сарын наймны өдөр тэд дайнд амь үрэгдсэн хүмүүсийг дурсах, эвлэрлийн өдрийг тэмдэглэж иржээ. Тэгвэл 2023 оны тавдугаар сарын есний өдрөөс эхлэн тэд эл өдөр Европын Өдрийг тэмдэглэх юм.
Эх сурвалж: ТАСС