Дампуурал зарлаад байсан Silicon Valley Bank арилжааны банкийг АНУ-ын First Citizens банк худалдан авсан билээ. Тэгвэл тус банкны шинэ удирдлагууд банкны дотоод бүтцэд өөрчлөлт оруулахаар төлөвлөжээ.

Пүрэв гарагт BBC агентлагаас мэдээлснээр тэд нийт 500 ажилтныг хамарсан орон тооны цомхотгол хийх болсон гэнэ. Энэ нь тэдний нийт ажилчдын 3 хувьтай тэнцэх юм.

40 орчим жил үйл ажиллагаа Silicon Valley банк нь сүүлийн 10 жилийн хугацаанд дампуурлаа зарласан АНУ-ын хамгийн том банк болсон билээ. Тус банкны хамгийн гол харилцагчид болох гарааны бизнес эрхлэгчид болон хадгаламж эзэмшигчид нэг дор хөрөнгөө их хэмжээгээр буюу нэг өдрийн дотор 40 гаруй тэрбум ам.доллар татсанаар тэд дампуурлаа зарласан юм.

Эх сурвалж: BBC