Пүрэв гарагт Беларусийн Батлан хамгаалах яамнаас мэдээлснээр ОХУ-ын Батлан хамгаалахын сайд Сергей Шойгу, Беларусийн Батлан хамгаалахын сайд Виктор Хренин нар Оросын цөмийн зэвсгийг Беларусь улсын нутаг дэвсгэрт хадгалах баримт бичгийг үзэглэсэн гэжээ.

Батлан хамгаалах яамнаас мэдэгдсэнээр баримт бичгийн хүрээнд тэд Беларусь улсын нутаг дэвсгэр дэх тусгай агуулахуудад Оросын стратегийн бус цөмийн зэвсгүүдийг хадгална гэсэн юм.

Үйл явдлын хүрээнд ноён Шойгугийн хэлснээр тэдний авч хэрэгжүүлж буй энэ арга хэмжээ олон улсын өмнө хүлээсэн хуулийн дагуух үүрэг хариуцлагатай нь зөрчилдөөгүй гэнэ.

ОХУ-ын ерөнхийлөгч Владимир Путины мэдэгдсэнээр Москвагийн эл шийдвэр нь АНУ холбоотнуудынхаа нутаг дэвсгэрт зэвсгээ байршуулж байгаагаас ялгаагүй хэмээсэн байна.

ТАСС мэдээллийн агентлагаас мэдээлснээр тусгай агуулахуудыг барих ажил ирэх долоодугаар сарын нэгний өдөр дуусах юм.

Эх сурвалж: ТАСС