Баасан гарагт Японы Гадаад хэргийн яамнаас мэдэгдсэнээр Япон улсын засгийн газар ОХУ-ын эсрэг тавьсан хоригийн арга хэмжээгээ өргөжүүлсэн гэжээ.

Япон улсын зүгээс Украин улсад үүсээд буй нөхцөл байдлаас үүдэн Оросын 24 хувь хүн, хуулийн этгээдийн хөрөнгийг царцааж, 78 байгууллагыг экспортын хоригт оруулахаар төлөвлөсөн байна.

ТАСС мэдээллийн агентлагаас мэдээлснээр хоригт багтсан хүмүүсийн дунд сэтгүүлч Ольга Скабеева, Спарта батальоны командлагч Артём Жога, Алмаз-Антей концерны ерөнхий захирал Ян Новиков нар байна гэжээ. Мөн оросын иргэдээс гадна хоригт багтсан хүмүүс дунд Украины Донецк, Луганск, Херсон, Запорожжье мужуудын албан тушаалтнууд ч байгаа гэнэ.

Улмаар Япон улс ОХУ-ын эсрэг хориг тавих болсноос хойш өдгөө тус улсын хориг Оросын 1,000 гаруй иргэн, 100 орчим байгууллагыг хамрах болжээ.

Эх сурвалж: ТАСС