Олон улсын валютын сан (ОУВС) АНУ-ын энэ оны эдийн засгийн өсөлтийн таамаглалыг 1.6 хувиас 1.7 хувь болгон 0.1 нэгж хувиар өсгөжээ.

Өнгөрсөн онд АНУ-ын эдийн засаг санхүүгийн болон төсвийн хэмнэлтийн горимд шилжсэн нөхцөл байдлыг ч үл харгалзан тун уян хатан байсан нь хэрэглэгчдийн эрэлт сайжирснаас гадна хөдөлмөрийн зах зээл эрүүл байсантай холбоотой хэмээн ОУВС үнэлсэн байна.

Гэвч нөгөө талаар хэрэглээний эрэлт өндөр, хөдөлмөрийн зах зээл эрүүл байх нь инфляцыг өдүүлдэг сөрөг талтай. Улмаар инфляцын өсөлтийг барих арга хэмжээ авснаар эдийн засгийн өсөлт удааширч, ажил эрхлэлт буурахад хүргэдэг билээ.

ОУВС-аас энэ онд ажилгүйдлийн түвшин хамгийн доод түвшинд буюу 3.8 хувьтай байх болно гэж таамаглаж байсан ч эдийн засгийн өсөлт удааширч байгаатай уялдуулан ирэх оны эцсээр 4.4 хувь хүртэл өснө хэмээн тус сангаас үзсэн байна.

Ирэх сарын 1-ний өдөр дефолт зарлах нь АНУ болон олон улсын эдийн засагт асар их эрсдэл учруулж болзошгүй тул энэхүү эрсдэлээс зайлсхийхийн тулд өрийн таазыг нэн даруй нэмэгдүүлэхийг шаардлага тус улсад тулгараад байгаа юм.

Эх сурвалж: YTN