Мягмар гарагийн өглөө ОХУ-ын нийслэл Москва хот руу дроноор довтолж, хэд хэдэн байгууламж сүйджээ.
Үйл явдалд ОХУ-ын талаас Украин улсыг буруутгасан байна. ОХУ-ын Батлан хамгаалах яамнаас Телеграм хуудаснаа мэдээлснээр “Киевийн талаас дор хаяж 8 дрон ашигласан террорист халдлага үйлдлээ” гэсэн юм. Албаныхны хэлж байгаагаар агаарын довтолгооны дүнд хэд хэдэн байгууламж бага зэргийн хохирол амссан гэжээ.
Хотын захирагч Сергей Собянины хэлснээр довтолгооноос үүдэн гэмтэж бэртсэн хүн үгүй гэсэн байна.
ОХУ-ын Батлан хамгаалах яамнаас мэдэгдсэнээр Киевийн талаас нисгэсэн 8 дроны гурав нь цахилгааны доголдлын улмаас хяналтаа алдсан бол үлдсэн таван дроныг Москвагийн талаас “Пантсир-С” пуужингийн системээр устгасан юм.
Одоогоор Киевийн талаас ямар нэг мэдэгдэл хийгээгүй байна. Гэвч BBC агентлагаас мэдээлж байгаагаар даваа гарагт Украины Цэргийн тагнуулын газрын дарга, генерал Киррило Буданов Киев хотыг онилж буй Оросын дайралтад хариу цохилт өгөхөө анхааруулж байсан гэжээ.
Эх сурвалж: BBC
Ашгүй дэ байгаа оноогүйч гэсэн ,тухайн газарийн хүмүүст айдас бэлэглэх хэрэгтэй