Apple компанийн нийлүүлэгч Foxconn үйлдвэр хүний нөөц бүрдүүлэлтдээ анхаарал хандуулах болж, шинэ ажилчдадаа 3,000 хүртэлх юанийн урамшуулал олгох болгожээ.
Шийдвэрийн хүрээнд Foxconn компаниас мэдээлснээр БНХАУ-ын Жэнжоу дахь тэдний шинэ үйлдвэрт ажилд орж, дор хаяж 90 хоног ажилласан ажилчид 3,000 хүртэлх юанийн урамшуулал олгоно гэсэн байна. Мөн одоогийн ажилчид гэр бүлийн гишүүд, найз нөхдөө тус үйлдвэрт ажиллахыг санал болгож, тэд үйлдвэрт ажилд орох аваас 500 юанийн урамшуулал авах гэнэ.
BBC сувгаас мэдээлж байгаагаар Foxconn үйлдвэр хүний нөөцдөө анхаарах болсон гол шалтгаан нь ирэх есдүгээр сард iPhone ухаалаг утасны шинэ загвар буюу iPhone 15 гар утас худалдаанд гарах төлөвлөгөөтэй байгаа юм.
Үйл явдлын хүрээнд BBC сувгийн зүгээс Foxconn компанийн хэвлэлийн төлөөлөгчтэй холбогдон тайлбар авахыг хүссэн ч тэд татгалзжээ.
Эх сурвалж: BBC