Оросын тагнуул гэгддэг байсан белуга халим Хвалдимир Шведийн эргээс олджээ.

Хвалдимирийн хувьд анх 2019 онд Норвегийн эргээс олдож байсан юм.

Түүнийг Оросын тагнуул гэж үзэх болсон шалтгаан нь халим GoPro камерын бэхэлгээ болон “Санкт-Петербургийн тоног” гэх бичиг бүхий бэхэлгээ зүүсэн явж байжээ. Тийнхүү далайн биологичид түүний бэхэлгээг тайлж байгальд эргүүлэн тавихдаа хөдөлгөөн хянах төхөөрөмж байршуулсан юм. Улмаар түүний хөдөлгөөнийг хянадаг OneWhale гэх газраас түүнийг юун учир Шведийн эрэг рүү зүглэх болсныг тайлбарлаж чадахгүй байгаа ажээ.

Биологич Себастиян Стрэндийн хэлснээр халим Шведийг зүглэх болсон нь хоёр үндсэн шалтгаантай байж болно гэсэн байна. Түүний үзэж байгаагаар нэг нь халимын ороо орсон байх магадлалтай бол нөгөө нь халим хэт ганцаардсаны улмаас өөр газрыг зорих болсон гэжээ.

Эх сурвалж: BBC