Даваа гарагт Польш улсын засгийн газраас нэгэн тушаалыг баталжээ. Энэ нь зургаадугаар сарын нэгний өдрөөс Орос, Беларусийн ачааны тэрэгнүүдийг хилээрээ нэвтрүүлэхгүй байх тухай юм.
Тушаалтай танилцвал, “Зургаадугаар сарын нэгний өдрийн шөнө дундаас эхлэн ОХУ болон Беларусь улсад бүртгэлтэй ачааны тэрэг, трактор, хагас чиргүүл болон галт тэргийг Беларусь улстай хиллэдэг хилээр нэвтрэхийг хориглоно. Хориг нь дараагийн мэдэгдэл хүртэл хүчин төгөлдөр” гэсэн байна.
ТАСС мэдээллийн агентлагаас мэдээлснээр хориг аль хэдийн хэрэгжиж эхэлсэн гэнэ.
Эх сурвалж: ТАСС