Орон нутгийн цагаар 30-ны өдөр хагас дамжуулагч үйлдвэрлэгч АНУ-ын Nvidia компанийн зах зээлийн үнэлгээ хиймэл оюун ухааны технологийн ачаар нэг их наяд ам.долларыг давжээ.
CNBC зэрэг гадаадын хэвлэл мэдээллийн агентлагуудын мэдээлснээр Nvidia компанийн хувьцаа Нью-Йоркийн хөрөнгийн бирж дээр мөн өдрийн турш 404.86 доллар болж өссөнөөр зах зээлийн үнэлгээ нь 1 их наяд ам.доллараас давсан болохыг онцлон тэмдэглэв.
Нью-Йоркийн хөрөнгийн биржид 1 их наяд ам.долларын үнэлгээтэй ердөө таван компани байдаг бөгөөд үүнд Apple, Microsoft (MS), Google-ийн толгой компани болох Alphabet, Amazon ордог бол одоо уг жагсаалтад Nvidia компани ийнхүү нэмэгдсэн байна.
Хиймэл оюун ухаанд суурилсан ChatGPT чатбот гарсан нь тус компанийн үйл ажиллагаанд шийдвэрлэх үүрэг гүйцэтгэсэн бөгөөд энэ он гарсаар Nvidia -гийн хувьцааны үнэ 166 хувиар өсөөд байгаа аж.
Эх сурвалж: YTN