Лхагва гарагт Анкара хот дахь эх сурвалжаас ТАСС мэдээллийн агентлагт мэдээлснээр Туркийн улиран сонгогдсон ерөнхийлөгч Режеп Тайип Эрдоган энэ долоо хоногийн бямба гарагт тангараг өргөж, түүний шинэ засгийн газар маргааш нь тангараг өргөж магадгүй гэжээ. Эх сурвалжийн хэлснээр шинэ засгийн газар ням гарагаас ажлаа эхлэх юм.

Харин Туркийн Шударга ёс, хөгжлийн намын хэвлэлийн төлөөлөгч Омер Челикийн хэлж байгаагаар ерөнхийлөгч Эрдоган тангараг өргөсөн даруйдаа шинэ засгийн газрын бүрэлдэхүүнээ зарлаж магадгүй гэнэ. Түүний өгүүлснээр шинэ засгийн бүрэлдэхүүнд одоогийн бүрэлдэхүүнээс ердөө гурван сайд л багтсан гэжээ. Тодруулбал, Туркийн Гадаад болон Дотоод хэргийн сайд нар мөн Батлан хамгаалахын сайд л суудалдаа үлдэх юм.

Эх сурвалж: ТАСС