АНУ-ын ерөнхийлөгч Жо Байден Колорадо мужид зохион байгуулагдсан АНУ-ын Нисэх хүчний Академийн төгсөлтийн арга хэмжээний үеэр диплом гардуулж байхдаа бүдэрч унажээ.

Өдгөө 80 настай түүний хувьд АНУ-ын түүхэн дэх хамгийн өндөр настай ерөнхийлөгч гэдгээрээ алдартай юм.

Тийнхүү бүдэрч унасан ерөнхийлөгчийг босоход хэдэн хүн тусалсан бөгөөд BBC сувгаас мэдэгдсэнээр ерөнхийлөгч ноцтой гэмтээгүй харагдсан гэжээ. Үйл явдлын хүрээнд Цагаан Ордноос мэдэгдсэнээр ерөнхийлөгч зүгээр байгаа гэсэн юм.

BBC сувгаас тайлбарласнаар диплом гардуулах арга хэмжээний хүрээнд ерөнхийлөгч Жо Байден 1 цаг 30 минутын турш зогсож, 921 кадетад диплом гардуулсан байна.

Эх сурвалж: BBC