Украинтай хиллэдэг Молдав улсад Европ тивийн 40 гаруй орны удирдагчид цугларч, бүс нутгийн нийтлэг асуудлууд, тэр дундаа аюулгүй байдлын талаар хэлэлцжээ.
Орон нутгийн цагаар 1-ний өдөр Молдавын Булбоака хотноо болсон Европын улс төрийн хамтын нийгэмлэгийн II чуулганд Европын холбооны 27, гишүүн бус 20 орны тэргүүн нар оролцсон байна.
Чуулганд хүрэлцэн ирсэн Украины ерөнхийлөгч Володимир Зеленський тус улсын дүрвэгсдийг хүлээн авч байгаад Молдавын ард түмэнд талархал илэрхийлснээс гадна Украин улсын НАТО-д элсэх асуудлын тухайд “НАТО хүлээж авахад бэлэн гэвэл бид ч хэзээ л бол хэзээ гишүүнээр элсэхэд бэлэн” хэмээн цохон тэмдэглэжээ.
Тус чуулганд Германы канцлер Олаф Шольц, Францын ерөнхийлөгч Эммануэль Макрон, Их Британийн ерөнхий сайд Риши Сунак зэрэг Европын томоохон орнуудын тэргүүн нар оролцсон байна.
Эх сурвалж: MBC