Твиттер компани сар хүрэхгүй хугацааны өмнө шинэ гүйцэтгэх захиралтай болсон билээ. Тэгвэл ноён Маск Твиттерийн удирдлагын багт өөрчлөлт оруулах ажлаа дуусаагүй бололтой. Учир нь Илон Маск NBCUniversal компанийн өөр нэгэн удирдах албан тушаалтныг Твиттерт урвуулан авчээ.
Ийн хэлэх болсон шалтгаан нь Твиттерийн шинэ гүйцэтгэх захирал Линда Яккарино Твиттерт орохоос өмнө тус компанийн зар сурталчилгааны албаны даргаар ажилладаг байсан юм.
NBCUniversal компанийн ажилтан асан Жо Бенаррочийн хувьд энэ даваа гарагаас Твиттерт ажиллаж эхлэх бөгөөд тэрээр компанийн бизнесийн үйл ажиллагаанд анхаарал тавих ажээ.
Үйл явдлын хүрээнд ноён Бенаррочийн зүгээс өөрийн LinkedIn хуудсаа шинэчилсэн ба Твиттерийн Нью Йорк хот дахь оффист ажиллахаа мэдэгдсэн байна.
Жо Беннарочийн ажлын туршлагатай танилцвал тэрээр NBCUniversal компанийн харилцаа холбоо, түншлэл, зар сурталчилгаа хариуцсан дэд ерөнхийлөгчийн албыг хашиж байсан юм. Мөн тэрээр урьд Фейсбүүк компанид ч ажиллаж байсан туршлагатай ажээ.
Эх сурвалж: BBC