Мягмар гарагт Австралийн Нөөцийн банкнаас бодлогын хүүгээ дахин нэмэх шийдвэр гаргажээ. Улмаар тус улсын бодлогын хүүг 25 суурь нэгжээр нэмэгдүүлж, 4.1 хувьд хүргэсэн байна.
Тэднийг ийн бодлогын хүүгээ нэмэхээс өмнө эдийн засагчдын зүгээс тус улсын нөөцийн банкийг бодлогын хүүгээ нэмэгдүүлэхгүй байх хэмээн таамаглаж байсан юм. Гэвч тэд бодлогын хүүгээ нэмснээр австрали долларын ам.доллартой харьцах ханш даруй 0.73 хувиар өсөж, 0.6667 болжээ.
Үйл явдлын хүрээнд Австралийн Нөөцийн банкны ерөнхийлөгч Филип Лоун хэлснээр бодлогын хүүг үргэлжлүүлэн өсгөснөөр инфляцыг тодорхой хугацаанд зорилтот түвшинд хүргэхэд дөхөм болно гэсэн юм.
Төв банкны хувьд инфляцыг 2-3 хувьд тогтоон барих хүсэлтэй байгаа ч дөрөвдүгээр сард л гэхэд тус улс дахь хэрэглэгчийн үнийн индекс 6.8 хувьтай байсан юм.
Эх сурвалж: CNBC