Их Британийн хамгийн том нисэх буудал болох Хитроун аюулгүй байдал, хамгаалалтын албаны ажилтнууд он гарснаас хойш хэд хэдэн удаа ажил хаясан билээ. Тэгвэл цалин хөлсний хүрээнд үйлдвэрчдийн эвлэл хийгээд нисэх буудлын удирдлагууд тодорхой тохиролцоонд хүрч чадахгүй байгаагаас үүдэн ажилтнууд ажил хаялтаа үргэлжлүүлэх болжээ.

Тодруулбал, лхагва гарагт нисэх буудлын аюулгүй байдал, хамгаалалтын албаны ажилтнууд зуны гурван сарын хугацаанд ажил хаях өдрүүдээ урьдчилан мэдэгдсэн байна.

BBC сувгаас мэдээлснээр ажил хаялтад нийт 2,000 орчим ажилтан оролцоно гэсэн бөгөөд тэд энэ сарын 24-ий өдрөөс наймдугаар сарын 27-ы өдрийн хооронд нийт 31 өдөр ажил хаях болсон гэнэ. Улмаар ажил хаялт нисэх буудлын кампус хийгээд 3 болон 5 терминалыг хамрах тул ажил хаялт зохион байгуулагдах өдрүүдэд нисэх буудлын шалган дээр урт дараалал үүсэх төлөвтэй байгаа юм.

Эх сурвалж: BBC