Аргентины хөл бөмбөгийн орчин цагийн домог Лионель Месси Францын Парис Сент-Жермен багаас гарсныхаа дараагаар Америкийн Интер Миами клубт тоглох болжээ.
Ийн шийдсэнээр тэрээр Саудын Арабын Аль-Хилал клубийн томоохон саналаас татгалзаж байгаа юм.
BBC сувгаас мэдээлснээр Интер Миами клубт элсэх нь Лионель Мессид Adidas, Apple брэндүүдтэй хамтрах боломжийг олгох гэнэ.
Улмаар Лионель Месси хөл бөмбөгийн замналынхаа хүрээнд анх удаагаа Европоос өөр тивийн клубт тоглох ажээ.
Түүний зүгээс Европ тивд дахин нэг удаа тоглох хүсэлтэй байсан ч сэтгэлд нь хүрэх санал хүлээн аваагүйн улмаас Аль-Хилал, Интер Миами клубүүдийн аль нэгийг шууд сонгох болсон байна.
Эх сурвалж: BBC