ОХУ-ын Гадаад хэргийн сайд Сергей Лавровын даваа гарагт мэдэгдсэнээр барууны орнууд ОХУ-ыг Запрожжье дахь АЦС-ыг дэлбэлэхээр төлөвлөж байна гэж сэрдэж байгаа нь утгагүй хэрэг гэжээ. Энэ талаар тэрээр РТ сувагт өгсөн ярилцлагадаа өгүүлсэн байна.

Түүний хэлснээр, “Бид үүнийг олонтаа хэлж байгаа. Энэ бол утгагүй хэрэг.

Хэвлэл мэдээллийнхэн хийгээд Киевийн төлөөлөгчид энэ хэтрүүлэгтэй анхааруулгыг удаа дараа олон нийтэд түгээж байгаа нь ердөө нэг л зүйлийг илтгэж байна. Тэр нь юу вэ гэвэл Украины эрхэм нөхөд болсон балтчууд, польшууд, англо-саксонууд хүмүүсийг мэдээллийн дайнд бэлтгэсэн явдал юм.

Хэрэв тэдний энэ бэлтгэл ямар ч үнэмшилгүй байгаагийнхаа нэгэн адилаар үр дүнгүй байх аваас би барууны татвар төлөгчдийг өрөвдөх болно. Тэдний цалингаар улс нь ийм л чадваргүй хүмүүсийг бэлтгэж, ийм чадваргүй хүмүүсийг бэлтгэхэд зориулж тийм л чадваргүй сургагч багш нарыг цалинжуулсан байна” гэжээ.

Эх сурвалж: ТАСС