Европын холбоо болон Япон улсууд 2026 оноос эхлэн сарны гадаргууг судлах зэрэг сансрын хөгжлийн шинэ төслүүдийг хамтран эхлүүлэхээр болжээ.
Японы Никкей Шимбун сонины мэдээлснээр, Европын сансар судлалын агентлагийн ерөнхий нарийн бичгийн дарга Жозеф Ашбахер ярилцлага өгөхдөө "Бид Японы сансар судлал, хөгжлийн байгууллагатай хамтарсан шинэ төлөвлөгөө хэрэгжүүлэхээр тохиролцлоо" хэмээн онцлов.
Төслийн нарийн төлөвлөгөөг энэ онд багтаан шийдвэрлэхээр төлөвлөж байгаа бөгөөд хөрөнгө оруулалтын хэмжээ нь хэдэн арван тэрбум иенээр хэмжигдэх төлөвтэй байна.
Сар болон Ангараг гаргийг судлахаас гадна дэлхийн дулаарлын хийн агууламжийг хиймэл дагуулаар шинжлэх зэрэг шинэ төслүүдийг эхлүүлэх талаар хэлэлцэж байгаа аж.
Нэмж дурдахад астероидод ажиглалт хийх төслийг ч энэ удаагийн хамтын ажиллагааны нэг хэсэг болгохоор төлөвлөжээ.
Ерөнхий нарийн бичгийн дарга Ашбахер 2029 онд дэлхийгээс 30.000 километрийн зайд ойртож ирэх астероидыг жишээ болгон дурдаад энэхүү үйл явдлын ачаар астероидын дэлхийд үзүүлж буй нөлөөллийн талаар судлах боломж бүрдэнэ хэмээн үзэж буйгаа цохон тэмдэглэсэн байна.
Европын холбоо болон Япон улсууд сансар судлалын салбарт томоохон хэмжээний хамтарсан төслийг хамгийн сүүлд 2000 онд хэрэгжүүлж байсан билээ. Тухайн үед дэлхийг ажиглах хиймэл дагуулын "Earth Care" төслийг амжилттай хэрэгжүүлснээс хойш буюу сүүлийн 26 жилийн хугацаанд хийж буй анхны томоохон төсөл болох юм.
Эх сурвалж: MBC