Хойд Америкийн Үндэсний хоккейн лигийн Стэнлийн цомын төлөөх финалын цувралын тав дахь тоглолтод "Эдмонтон Ойлерс" багийн хоккейчид "Флорида Пантерс" багийг талбайд нь 5:3-аар хожиж, цувралыг сунгалаа.

"Ойлерс" багаас Коннор Браун (6 дахь минут), Зак Хайман (22), Коннор Макдэвид (26, 60), Кори Перри (32) нар, талбайн эздээс Мэттью Ткачук (27), Эван Родригес (33), Оливер Экман-Ларссон (45) нар шайб оруулжээ. "Пантерс" багийн хаалгач Сергей Бобровский 23 цохилтын 19-ийг нь хаасан байна.

"Ойлерс" багийн ахлагч Коннор Макдэвид “гоол+дамжуулалт” системээр 4 (2+2) оноо авчээ.

Таван тоглолтын дараа "Флорида Пантерс" цувралыг 3-2-оор тэргүүлж байна. Цувралын зургаа дахь тоглолт зургаадугаар сарын 22-нд Эдмонтон хотод болно.

Эх сурвалж: МОНЦАМЭ агентлаг