Өнгөрөгч тавдугаар сард АНУ-ын томоохон хотуудын орон сууцны үнэ түүхэн дээд хэмжээнд хүртлээ өсжээ.

S&P Dow Jones индекс тавдугаар сард 20 хотын орон сууцны үнийн индекс өнгөрсөн оны мөн үетэй харьцуулахад 6.8 хувиар өсөж бүх цаг үеийн дээд хэмжээнд хүрсэн тухай мэдээлэв. Энэ үзүүлэлт нь Dow Jones-ийн гаргасан шинжээчдийн таамаглалтай нийцсэн ба өмнөх сарынхаас 0.3 хувиар өссөн үзүүлэлт болжээ.

Хотоор нь авч үзвэл Нью-Йоркийн орон сууцны үнэ 9.4 хувиар өссөн нь хамгийн огцом өсөлтийг харуулсан бол Сан Диего 9.1 хувь, Лас Вегас 8.6 хувиар тус тус удаалсан байна.

АНУ-ын орон сууцны үнэ ийнхүү түүхэн дээд хэмжээнд хүртлээ өссөн явдал нь удаан хугацаанд үргэлжилж буй зээлийн хүүгийн өсөлтөөс гадна зах зээл дэх орон сууцны нийлүүлэлт буурсантай холбоотой гэж шинжээчид үзэж буй аж.

Хэдийгээр орон сууцны үнэ урьд өмнө байгаагүй дээд цэгтээ хүрсэн ч өсөлтийн хурдаар нь тооцвол өмнөх оныхоос 7.3 хувь, өмнөх сараас 0.4 хувиар өссөн өнгөрөгч 4-р сартай харьцуулахад арай удааширсан дүр зураг ажиглагдаж буй юм.

Эх сурвалж: YTN