Бидний сайн танил M&M's үрлэн шоколад үйлдвэрлэгч Америкийн Mars компани Pringles чипсний брэндийг эзэмшдэг Kellanova компанийг 35.9 тэрбум ам.доллароор худалдан авахаар болжээ.
Mars болон Kellanova компаниуд энэ талаарх мэдээг орон нутгийн цагаар 14-ний өдөр зарласан байна.
Mars компанийн гэр бүлд M&Ms, Snickers зэрэг алдартай амттаны брэндүүд болон Royal Canin, Pedigree зэрэг гэрийн тэжээвэр амьтдын хүнсний брэндүүд багтдаг юм.
Харин Kellanova нь багачуудын дуртай Pringles, Cheez-It зэрэг чипс үйлдвэрлэдэг.
Mars компанийн гүйцэтгэх захирал Пол Байрак хэлэхдээ “Бид шоколадан амттан болон чипс зэрэг амны зугааг цаашид тогтвортойгоор хөгжүүлэх том боломжийг атгаж чадлаа” хэмээн цохон тэмдэглэсэн байна.
Энэхүү нэгдэлийн талаарх мэдээлэл гарахтай зэрэгцэн Kellanova компанийн хувьцааны үнэ 7 хувиас давж өсжээ.
Эх сурвалж: SBS
