ХБНГУ-ын Баден-Вюрттемберг хотод байрлалтай Рентшлер фирмд шингэн уусгагч асгарч, хэд хэдэн ажилчид нь гэмтжээ. Өнгөрсөн долоо хоногийн лхагва гарагт шугам задарсны улмаас тус осол гарахад хүргэсэн байна. Уг үйлдвэр нь Файзер вакциныг үйлдвэрлэх ажилд хувь нэмрээ оруулж байсан юм.

Ослын үеэр дөрвөн ажилтан шингэн уусгагчтай шууд хавьтал болж, эмнэлэгт хүргэгдсэн.

Компанийн зүгээс хэлж байгаагаар Осол гарахад нийт 13 ажилтан байсан бөгөөд бүгд тодорхой хэмжээгээр эрүүл мэндээрээ хохирсон ч хоёр ажилтны хувьд нэлээн ноцтой байгаа хэмээжээ.

Түүнчлэн осол вакцины үйлдвэрлэлд ямар нэг нөлөө үзүүлэхгүй болохыг ч баталсан байна. Мөн осол гарсан газрыг нүүлгэн шилжүүлээд байх шаардлагагүй гэж үзжээ. Учир нь цагдаагийн албанаас мэдээлж байгаагаар “Компанийн сайтар дадлагажсан ажилчид шингэнийг хамж, ном журмын дагуу цэвэрлэсэн” гэжээ. Харин ослын шалтгааныг мөрдөн байцаагчид шалгах гэнэ.

Эх сурвалж: DW