АНУ-ын ерөнхийлөгч Жо Байден хөгжлийн бэрхшээлтэй 323 мянган оюутны сургалтын зээл болох 5.8 тэрбум ам.долларын өрийг тэглэхээ пүрэв гарагт мэдэгджээ. Энэ нь түүний ерөнхийлөгч болсноосоо хойш зээл тэглэж байгаа хамгийн их хэмжээний мөнгөн дүнтэй цор ганц тохиолдол юм.
Зээл тэглэх арга хэмжээ зөвхөн байнгын хөгжлийн бэрхшээлтэй хүмүүсийг хамрах аж.
АНУ-ын Боловсролын яамнаас мэдээлснээр тэдний зүгээс зээлийн тэглэлтийн хүрээнд оюутнуудаас орлогын мэдүүлэг шаардахгүй гэсэн юм.
Түүнчлэн Боловсролын яамнаас оюутны зээлийн эргэн төлөлтийг 2022 оны нэгдүгээр сар хүртэл хойшлуулахаа ч мэдэгджээ. Мөн зээл авсан оюутнуудын зээлийг тэглэхдээ зээлдэгч нарт чирэгдэл учруулахгүй үүднээс удирдлагын түвшний мэдээллийг шүүн автоматаар цуцлах болно гэдгээ ч хэлсэн байна.
Эх сурвалж: NY Post