ОХУ-ын Эрүүл мэндийн сайд Михаил Мурашкогийн мэдээлснээр тус улсад коронавирусээр халдварлаад эмнэлгийн тусламж авсан хүмүүсийн ихэнх хувь нь вакцинд хамрагдаагүй байжээ.
Энэ мягмар гарагт хийсэн мэдэгдэлдээ тэрээр, “Коронавирусээр халдварлаад эмнэлгийн тусламж авсан хүмүүсийн 92 гаруй хувь нь вакцин хийлгээгүй байсан. Харин вакцин хийлгэсэн ч коронавирусээр халдварлаад эмнэлгийн тусламж авсан хүмүүсийн биеийн байдал хөнгөн байсан бөгөөд нэг ч хүнд эрчим эмчилгээ шаардагдаагүй” гэсэн юм.
Түүнчлэн өмнө нь коронавирус зөвхөн 60 болон түүнээс дээш насныханд эрсдэлтэй байсан бол одоо жирэмсэн болоод залуу хүмүүст ч эрсдэл дагуулж байгааг тэр цохон тэмдэглэж, “Эрсдэлт бүлгийн хүрээ тэлэх тусам вирусийн тархалтыг зогсоох цор ганц, хурдан шуурхай, үр дүнтэй арга бол вакцинжуулалт. Вакцинжуулалтад хамрагдсанаар зөвхөн халдварын тархалтыг хумиад зогсохгүй, вирус хүний аминд хүрэхээс сэргийлнэ” гэдгийг хэлсэн байна.
Эх сурвалж: ТАСС