АНУ-ын Иргэн харьяалал, цагаачлалын албанаас мэдэгдэж байгаагаар энэ оны аравдугаар сарын нэгний өдрөөс эхлэн цагаачлах хүсэлт гаргаж байгаа хүмүүст тавигдах шаардлагад нэмэлт өөрчлөлт оржээ.
Улмаар цагаачлагчаар баримт бичиг мэдүүлж байгаа хүмүүсийн эрүүл мэндийн үзлэгийн нэг хэсэг болгож, коронавирусийн эсрэг вакцинжуулалтад хамрагдсан гэрчилгээ шаардах гэнэ.
Гэхдээ тухайн шаардлага нь вакцинд хамрагдах насанд хүрээгүй эсхүл суурь өвчтэй, эрүүл мэндийн шалтгааны улмаас вакцин хийлгэх боломжгүй хүмүүст хамаарахгүй юм.
Харин шашин шүтлэг болоод бусад шалтгааны улмаас вакцин хийлгээгүй хүмүүс өргөдөл бичиж өгөх ёстой ажээ.
Тухайн шаардлагын үндэслэлийг тайлбарлахдаа АНУ коронавирусийн эсрэг вакциныг хүний заавал хийлгэсэн байх ёстой вакцины жагсаалтад багтаасан гэнэ. Тус жагсаалтад салхин цэцгийн вакцин, гепатит А вирус, саа өвчний вакцинууд багтдаг юм.
Эх сурвалж: NPR