Франц улсын засгийн газраас өнгөрөгч долдугаар сард ирж буй есдүгээр сарын 15-ны өдрөөс өмнө вакцинд хамрагдаагүй эрүүл мэндийн салбарын ажилчдыг ажлаас нь чөлөөлөх тухай мэдэгдэж байсан.
Тэгвэл тус тов энэ долоо хоногт тохиож, пүрэв гарагт Франц улсын Эрүүл мэндийн сайд Оливер Веран тус шаардлагыг биелүүлээгүй, эрүүл мэндийн салбарын 3000 ажилтныг ажлаас нь чөлөөлжээ.
Аз болоход ажилчид ийнхүү олноороо ажлаа хүлээлгэж өгөх нь ард иргэдэд эмнэлгийн тусламжийг хүртээмжтэй хүргэхэд ямар нэг доголдол учруулаагүй байна.
Оливер Вераны хэлж байгаагаар, ажлаасаа чөлөөлөгдсөн хүмүүс голдуу туслах үүрэг гүйцэтгэдэг байсан гэдгийг тодотгож, “Тэднийг ажлаас нь бүрэн чөлөөлөөгүй. Ажлаасаа чөлөөлөгдсөн сувилагч, асрагч нарын ихэнх вакцинд хамрагдахаар шийдвэрлэсэн” гэсэн юм.
Одоогийн байдлаар Франц улсын нийт хүн амын гуравны хоёр нь вакцинжуулалтдаа бүрэн хамрагдсан байгаа ажээ.
Эх сурвалж: CNN