Пүрэв гарагийн өглөө Пакистан улсын Белужистан мужид газар хөдөлж, 20 хүний амь эрстжээ.
Албаныхны зүгээс амиа алдсан хүмүүсийн тоо цаашид нэмэгдэж болзошгүй гэдгийг хэлсэн байна. Учир нь газар хөдлөлтийн улмаас олон барилга байгууламж нуран унажээ.
АНУ-ын Газарзүйн албанаас мэдээлснээр газар хөдлөлт 5.9 магнитуд хүчтэй, хөрснөөс 9 километрийн гүнд эхтэй хөдөлсөн гэнэ. Газар хөдлөлтийн эх хөрстэй ойр байх тусам чичиргээ их, учрах хохирол их байдаг байна.
Аврах ажиллагаа одоо ч үргэлжилж байгаа бөгөөд албаныхны мэдээлж байгаагаар дор хаяж 150 гаруй хүн бэртсэн болохыг ч хэлжээ. Тэдний зарим нь биеийн байдал хүндхэн байсан тул эмнэлэгт хүргэгдсэн юм.
Газар хөдлөлтөөс үүдэн нийт 100 гаруй шавар байшин нурж, томоохон барилгууд сүйдсэнээс олон хүн гэр оронгүй болжээ.
Эх сурвалж: BBC