Даваа гарагт Индонезийн ерөнхийлөгч Жоко Видодогийн Financial Times сонинд хандан хэлснээр Индонез улс дотоод дахь эрчим хүчний үнийг тогтоон барихаар ОХУ-аас газрын тос импортлох асуудлыг авч үзэж байгаа гэжээ.

Ноён Видодогийн өгүүлснээр, “Бидний зүгээс боломжит бүх л хувилбарыг авч үзэж байгаа. Хэрэв өөр улс орон бидэнд боломжийн үнэ санал болговол мэдээж тухайн улсаас газрын тос худалдан авах боломжийг судална.

Ард иргэдийнхээ эрчим хүчний хэрэгцээг хангахад зориулан өөр, өөр экспортлогч улс олох нь засгийн газрын үүрэг. Бидний зүгээс үүсээд буй асуудалд гаргалгаа олохыг хүсэж байна” гэсэн юм.

Индонез улс Хятад, Энэтхэг улсуудын адилаар ОХУ-аас газрын тос импортолж эхэлбэл энэ нь Оросын хувьд ихээхэн ашигтай байх болно гэж Financial Times мэдээлжээ.

Эх сурвалж: ТАСС