Барууны компаниуд Оросын зах зээлийг орхиж, тус улс дахь салбар нэгжээ худалдаалах болсон энэ цагт автомашин үйлдвэрлэгч Мерседес Бенз компани ч мөн адил арга хэмжээ авах болсноо мэдэгджээ.

Герман улсад төвтэй тус компанийн хувьд ОХУ-д үйлдвэрлэл явуулж, тус улс руу автомашин экспортлохоо аль гуравдугаар сард зогсоогоод байсан ч дорвитой шийд гаргаагүй байсан юм.

Тэгвэл өдгөө тэдний мэдэгдэж байгаагаар Мерседес Бенз Оросын зах зээлийг орхиж, тус улсад бүртгэлтэй хувьцаагаа дотоодын хөрөнгө оруулагч нарт худалдах болсон гэнэ.

Мерседес Бенз компанийн санхүүгийн албаны дарга Харалд Вилхелмийн хэлснээр тэд Оросын зах зээлийг орхисноор онцын их хохирол амсахгүй гэсэн юм.

Тийнхүү тэдний зүгээс ОХУ-ын зах зээлээс гарахдаа үйлчлүүлэгчдийн өмнө гэрээгээр хүлээсэн үүргээ биелүүлж, ажлын байрыг хадгалах тал дээр онцгой анхааран ажиллахад төвлөрөхөө мэдэгджээ.

Эх сурвалж: BBC