Австралийн үүрэн телефоны тэргүүлэх оператор Optus компанийн сүлжээ өнгөрөгч наймны өдөр орон даяар тасалдаж, 10 сая австрали, олон мянган бизнесийн байгууллага сүлжээгүй 12 гаруй цагийг өнгөрүүлсэн билээ. Тэгвэл тус үйл явдал хийгээд өнгөрөгч онд гарсан хэрэглэгчдийн мэдээллийг задруулсан хэргээс үүдэн тус компанийн гүйцэтгэх захирал албан тушаалаасаа огцорчээ.

Optus компанийн гүйцэтгэх захирал асанг Келли Байэр Розмарин гэдэг байсан бөгөөд тэрээр тус компанийг нийт 3 жил удирдсан юм.

Үйл явдлын хүрээнд тэрээр мэдэгдэл хийхдээ, “Энэ компанид хүчин зүтгэх нь нэр төрийн хэрэг байлаа. Гэхдээ одоо бол миний албан тушаалаа хүлээлгэн өгөх цаг болсон. Хэсэг хугацаанд өөртөө эргэцүүлсний дүнд би албан тушаалаа хүлээлгэн өгөх шийдвэрийг гаргасан. Энэ шийдвэр нь Optus компанийн цаашдын өсөлт хөгжилд хамгийн зөв алхам юм” гэжээ.

Тийнхүү түүний албан тушаалыг санхүүгийн албаны дарга Майкл Вентер түр хугацаанд хүлээн авах болсон байна.

Эх сурвалж: BBC