Сүүлийн үед ихээхэн асуудалд ороод буй реппер Кание Уэстийн байгуулсан жилийн 15,000 ам.долларын төлбөртэй Донда Академи үүд хаалгаа барьжээ. Академийн зүгээс энэ талаар пүрэв гарагт суралцагчдын эцэг эхэд цахим шуудангаар мэдэгдсэн байна.

Цахим шууданд өгүүлснээр академийн захирал Жэйсон Ангелл, “Манай Донда академийн үүсгэн байгуулагчийн шийдвэрээр бид 2022-2023 оны хичээлийн жилийн үлдсэн хугацаанд үүд хаалгаа барих боллоо. Шийдвэр гарсан даруй хүчин төгөлдөр хэрэгжих болно” гэсэн юм.

Тийнхүү цахим шууданд хавсаргаснаар “МАРГААШ ХИЧЭЭЛ ОРОХГҮЙ” хэмээжээ.

Сими хөндийд байрлах тус академийн хувьд жилийн 15,000 ам.долларын төлбөртэй бөгөөд суралцагчдын эцэг эхтэй нууц хадгалах гэрээ байгуулдаг юм. Таймс сониноос мэдээлж байгаагаар академид 100 орчим суралцагч, 13 бүтэн-цагийн багш байдаг ажээ.

Академийн захирлын хэлж байгаагаар Донда Академи ирэх оны намрын улирлаас үүд хаалгаа нээх гэнэ.

Эх сурвалж: UNILAD