Тэрбумтан Кайли Женнер, реппер Трэвис Скотт нар хүүгээ төрснөөс хойш нэг жилийн дараагаар нэрийг нь хууль ёсоор солиулах хүсэлтээ гаргажээ.

Тэдний хувьд хүүг анх Уольф Жак Вебстер гэж нэрлээд байсан бол саяхан түүний нэрийг Эйр Вебстер гэж солиулахад шаардлагатай бичиг баримтуудыг бүрдүүлэн өгсөн байна.

TMZ мэдээллийн сайтаас мэдээлснээр хос хоёр хүүтэйгээ тодорхой хугацааг өнгөрүүлсний дүнд түүнд Эйр Вебстер гэх нэр илүү зохино гэж дүгнэжээ.

Хос хоёрын зүгээс 2022 оны гуравдугаар сард буюу хүүгээ төрснөөс хойш нэг сарын дараа түүний нэрийг сольсноо мэдэгдэж байсан юм. Гэвч тэд хүүгийнхээ нэрийг олонд зарлалгүй нэг жил орчим хугацаа өнгөрсөн хойно түүнийг Эйр Вебстер гэж нэрлэснээ хуваалцсан. Тэгвэл хос хоёр одоо л хүүгийнхээ нэрийг хууль ёсоор солиулах гэж байгаа нь энэ ажээ.

Эх сурвалж: Page Six