2023 онд Литва улс ОХУ-аас импортлох бордооныхоо хэмжээг 60 гаруй хувиар бууруулсан тухай тус улсын Хөдөө аж ахуйн яамнаас мэдээлжээ. Гэсэн хэдий ч тэд Европын Холбооны үр тариа болон бордооны хүрээнд тавьсан хоригийн хүлцэх нөхцөлийг ашиглан одоог хүртэл ОХУ-аас бордоо худалдан авч байгаа юм.
ТАСС мэдээллийн агентлагаас мэдээлснээр Литва улс 2023 оны эхний 7 сард ОХУ-аас нийт 55,600 тонн бордоо худалдан авсан нь өнгөрөгч онд тус улсаас худалдан авсан бордооноос даруй 61.7 хувиар бага байжээ.
Шинжээчдийн хэлж байгаагаар Литва улс тийн ОХУ-аас бордоо импортлон авч байгаа ч тэд бордоог өөрсдийн хэрэгцээнд хэрэглэх бус гуравдагч орон руу экспортлож байгаа гэнэ. Энэ нь Литва улсад ашигтай тусаж байгаа юм. Учир нь тэд өдгөө ОХУ-аас худалдан авч буй бордоонд өнгөрөгч онтой харьцуулахад 2 дахин бага үнийг төлж байгаа ажээ.
Эх сурвалж: ТАСС