LinkedIn платформын эзэмшигч Microsoft компани дахин орон тооны цомхотгол хийж, 670 орчим ажилтнаа ажлаас нь чөлөөлөх болжээ. LinkedIn компаниас мэдэгдсэнээр нэмэлт орон тооны цомхотгол тэдний санхүү, талент, инженерчлэлийн багийг хамарна гэсэн юм.
BBC сувгаас мэдээлснээр LinkedIn өнгөрөгч тавдугаар сард орон тооны цомхотгол хийсэн бөгөөд тухайн үед нийт 716 ажилтнаа ажлаас нь чөлөөлсөн гэнэ. Мөн орон тооны цомхотголыг ийм ойрхон давтамжтай хийж байгаа шалтгаан нь олон улсын хэмжээнд компаниуд шинээр ажилтан авахаа эрс багасгасантай холбоотой гэжээ.
LinkedIn платформын хувьд хүний нөөц бүрдүүлэлтийн чиглэлээр үйл ажиллагаа явуулдаг тул олон улсад шинээр ажилтан авах эрэлт багассанаар тус компанийн ашиг орлогод сөргөөр нөлөөлж байгаа юм.
Эх сурвалж: BBC