Ням гарагт Дагестаны нисэх буудалд Израилийг эсэргүүцэгч зуу зуун жагсагч дайран орж, ОХУ-ын Аюулгүй байдлын албанаас жагсаалыг тараасан билээ.
Улмаар даваа гарагт ОХУ-ын ерөнхийлөгч Владимир Путин эл жагсаалыг Украин болон барууныхан зохион байгуулсан хэмээн мэдэгдээд байсан юм. Тэгвэл АНУ-ын зүгээс түүний эл мэдэгдлийг “утга учиргүй зүйл” хэмээжээ.
Владимир Путины мэдэгдсэнээр, “Өнгөрөгч шөнө Махачкалад болсон үйл явдлыг барууны тусгай албаны агентуудын оролцоотойгоор олон нийтийн цахим сүлжээгээр дамжуулан зохион байгуулсан байсан. Миний бодлоор хүмүүсийн аминд хүрсэн эл эмх замбараагүй явдлыг зохион байгуулсан, үүнээс ашиг олж байгаа этгээд нь аль хэдийнээ тодорхой болсон. Дэлхийн тогтворгүй байдлаас гол ашиг хүртэгчид нь АНУ-ын одоогийн эрх баригч элитүүд хийгээд тэдний дагуулууд юм” гэжээ.
Харин түүний эл мэдэгдлийг дуулсан АНУ-ын Үндэсний Аюулгүй байдлын Зөвлөлийн хэвлэлийн төлөөлөгч Жон Кирбигийн тайлбарласнаар, “Энэ бол Оросын сонгодог риторик. Тэд улс оронд нь ямар нэг зүйл муугаар эргэхэд бусдыг буруутгадаг. Дээрх жагсаалд барууныхан огтоос холбоогүй. Энэ бол ердөө л цэвэр үзэн ядалт, гадуурхал хийгээд айлган сүрдүүлж буй явдал” гэсэн юм.
Эх сурвалж: BBC