Apple компанийг талийгаач Стив Жобстой хамтран үүсгэн байгуулсан Стив Возняк лхагва гарагт эмнэлэгт хүргэгджээ. Одоогоор түүний эмнэлэгт хүргэгдсэн шалтгаан тодорхойгүй байгаа юм.
Өдгөө 73 настай тэрээр Мексик улсын нийслэл Мексико хотод Дэлхийн Бизнесийн чуулгад оролцохоор ирээд байхдаа тийн эмнэлэгт хүргэгдсэн байна.
Нэр нь үл мэдэгдэх эх сурвалжийн CNN сувагт мэдээлснээр ноён Возняк лхагва гарагт чуулгын үдээс хойшийн арга хэмжээнд оролцож байхдаа ухаан алдсан гэсэн юм. Улмаар BBC сувгийн зүгээс ноён Вознякийн хэвлэлийн төлөөлөгчидтэй холбоо тогтоосон ч тэд тодорхой мэдээлэл өгөөгүй ажээ.
Эх сурвалж: BBC