Мягмар гарагт OpenAI компанийн ТУЗ-ийн төлөөлөл тус компанийн гүйцэтгэх захирал асан Сэм Альтмантай тохиролцоонд хүрч, түүнийг албан тушаалд нь эргүүлэн томилох болсон билээ.

Улмаар тохиролцооны хүрээнд тэд түүнийг албан тушаалаас нь түдгэлзүүлсэн ТУЗ-ийн бүрэлдэхүүнд өөрчлөлт оруулах болсон юм.

Тэгвэл мягмар гарагт Ройтерс агентлагаас мэдээлж, OpenAI компаниас танилцуулснаар ТУЗ-ийн шинэ бүрэлдэхүүнд Брет Тайлор, Ларри Саммерс, Адам Д'Анжело нар багтжээ.

Брет Тайлорын хувьд өмнө нь Salesforce компанид хамтран гүйцэтгэх захирлаар ажиллаж байсан бол Ларри Саммерс нь АНУ-ын Сангийн яамны нарийн бичгийн дарга ажиллаж байсан туршлагатай юм. Харин Адам Д'Анжело нь Quora платформын толгой компанийн одоогийн удирдлага, гүйцэтгэх захирал билээ. Тийнхүү ТУЗ-ийг Брет Тайлор даргалах болсон байна.

Эх сурвалж: The Reuters