Мягмар гарагт Польшийн Батлан хамгаалах яамны Төрийн нарийн бичгийн дарга Станислав Взитекийн хэлснээр Варшавын зүгээс Украин руу цэргээ илгээх, Украины цэргийн албан хаагчдыг сургах төлөвлөгөөгүй байгаа гэжээ.
Түүний хэлснээр, “Бидний хувьд цэрэг илгээж дайнд оролцох төлөвлөгөөгүй. Учир нь Украины нутаг дэвсгэрт тэдний цэргүүдийг сургах болон өөр бусад зорилгоор Польшийн цэргүүдийг оруулах нь дайнд оролцсон хэрэг болно” гэсэн байна.
Польш улсын хувьд Франц улсын ерөнхийлөгч Эммануэль Макроны Украин улсад цэрэг илгээх санаачилгыг дэмжсэн ч өөрсдөө цэрэг илгээх төлөвлөгөөгүй байгаагаа өмнө нь ч илэрхийлж байсан билээ.
Эммануэль Макроны хувьд өнгөрөгч сарын 26-ы өдөр “Их 20” бүлгийн уулзалтын үеэр хэтийн ирээдүйд улс орнууд Украинд цэргээ оруулах боломжийг үгүйсгэхгүй хэмээн мэдэгдээд байсан юм. Тэгвэл мягмар гарагт Польш улсын зүгээс өөрсдийн байр суурийг дахин нэг удаа бататган мэдэгдэл хийсэн нь энэ ажээ.
Эх сурвалж: ТАСС