Энэтхэгийн ерөнхий сайд Нарендра Модигийн АНУ-д хийж буй айлчлал үргэлжилж байгаа билээ. Тэгвэл уг айлчлалын үеэр АНУ-ын тал “MQ-9B Sea Guardian” гэх өндөр технологийн нисгэгчгүй нисэх төхөөрөмжийг Энэтхэгт экспортлохоор шийдсэн тухай Wall Street Journal сонин мэдээлжээ.
Өнгөрсөн хугацаанд АНУ нь Энэтхэгт өндөр технологийн зэвсгийг экспортлохоос татгалзсаар ирсэн ч Энэтхэг болон Оросын харилцаа улам гүнзгийрч буй энэ үед хяналт хийх зорилгоор уг шийдвэрийг гаргасан байх магадлалтай хэмээн шинжээчид үзсэн байна.
Тус мэдээнд дурдсанаар АНУ-ын засгийн газар Энэтхэгт нисэгчгүй онгоц болон бусад зэвсэг техник экспортлох, хоёр улс хамтран тийрэлтэт онгоцны хөдөлгүүрийг үйлдвэрлэх олон тэрбум ам.долларын гэрээ байгуулахаар төлөвлөж байна хэмээн онцлов.
Ерөнхий сайд Моди өнөөдөр Цагаан ордонд АНУ-ын ерөнхийлөгч Жо Байдентай хүндэтгэлийн оройн зоог барих үеэр АНУ-ын засгийн газар энэ тухай олон нийтэд хүргэхээр зэхэж буй бололтой.
Эх сурвалж: MBC