Хуудас олдсонгүй
Уучлаарай, Таны хайсан хуудас олдсонгүй
Их Британийн хаан III Чарльз даваа гарагт өөрийн хүү, хунтайж Уильямд цэргийн өндөр цол хэргэм хүртээжээ. Хорт хавдартай гэж оношлогдсоныхоо дараа хаантан олон нийтийн үйл ажиллагаанд оролцож эхлээд байгаа энэ үед тэд ийнхүү хамтдаа олны өмнө гарсан байна.
Өдгөө 75 настай хаан 32 жилийн өмнө хүртэж байсан Зэвсэгт хүчний Агаарын корпусын ахлах хурандаа цолоо “Апачи” нисдэг тэрэгний өмнө Уильямд олгожээ. Уг ёслолыг Английн өмнөд нутаг дахь Нисэхийн музейн алба хаагчид үзсэн байна.
Их Британийн хааны нэрэмжит Агаарын цэргийн хүчний эрэн хайх, аврах ангийн нисгэгч байсан хүүгийнхээ талаар Чарльз “тэр бол маш сайн нисгэгч” гэж хэлжээ.
Чарльз дөрөвдүгээр сарын сүүлчээр үүрэгт ажилдаа эргэн орсноосоо хойш хамгийн сүүлд оролцсон олон нийтийн арга хэмжээ нь энэ бөгөөд тэрбээр хорт хавдрын эмчилгээ хийлгэж байгаа тухай Букингемийн ордон мэдэгдсэнээс хойш гурван сар орчмын дараа боллоо.
Өдгөө 41 настай Уильям эхнэр нь хорт хавдрын эмчилгээ хийлгэж байгаагаа мэдэгдсэний дараа түүнтэй хамт байж, асрахаар шийдсэн тул энэ оны 3, 4 дүгээр сард үүрэгт ажлаасаа түр завсарлага аваад байсан юм. Өнгөрсөн баасан гарагт эхнэрийнх нь бие сайн байгаа тухай Уильям ярьжээ.
Цол хүртээх ёслолын үеэр Чарльз армийн Агаарын цэргийн корпусынхантай “гунигтайгаар” салах ёс гүйцэтгэж байгаагаа илэрхийлээд, хүүгийнх нь удирдлага дор тус корпус улам хүчирхэгжих болно гэдгийг онцлон тэмдэглэжээ.
Чарльз хаан ширээнд заларсныхаа дараа өөрийн цолыг шилжүүлэн өгнө гэдгээ өнгөрсөн наймдугаар сард мэдэгдэж байсан юм. Даваа гаргийн орой Уильям дээрх корпуст зочилж, сургалтын явц, тоног төхөөрөмжүүдийг үзэж танилцан, цэргүүдтэй уулзаж ярилцжээ.
Эх сурвалж: The Reuters /МОНЦАМЭ агентлаг/
Уучлаарай, Таны хайсан хуудас олдсонгүй
teneg uvgun