Хуудас олдсонгүй
Уучлаарай, Таны хайсан хуудас олдсонгүй
БНСУ-ын Чонжү дүүргийн шүүхийн 11 дүгээр эрүүгийн тасаг өчигдөр(5.27) 35 настай, хууль ёсны бүртгэлгүй, Оросын иргэн А гэгчийг хүний аминд халдсан хэргээр гурван жилийн хорих ял оноосноо мэдэгджээ. Иргэн А-г анх хүний биед хүнд гэмтэл учруулсан хэргээр баривчилж, байцааж байсан ч прокуророын саналаар хүний амь хохироосон болгож хэргийг нь хүндрүүлсэн байна.
Тухайлбал, өнгөрсөн оны арван нэгдүгээр сард орос иргэн А өөрийн танил гэх монгол иргэн Б-гийн гэрт очин хамт архи ууж байхдаа Б-гийн нүүр лүү арав гаруй удаа хүчтэй цохисон байна. Улмаар Б газар дээрээ комад орж, гурван сарын дараа амьсгал хураажээ.
Шүүх хурлын үеэр А хохирогчийн биед халдсанаа хүлээн зөвшөөрсөн ч амь насыг нь хохирооё гэж санаагүй, нүүрэнд нь ердөө нэг, хоёр л цохисон гэж мэдүүлжээ. Хэдий гэрчийн “хэрэгтэн хохирогчийн нүүрийг арав гаруй минутын турш тасралтгүй балбасан” гэх мэдүүлгийг хүлээн зөвшөөрөөгүй ч, эмч нарын баталснаар тийм хэмжээний гэмтэл, хавдар үүсгэхэд нэг, хоёр цохилт хангалтгүй гэнэ.
Харин шүүгч Тэ “хохирогч тус хэргээс өмнө тархины ужиг өвчин, гэмтэлтэй байсан талаар мэдээлэл байхгүй. Ямар ч хүн нүүрэндээ гэнэтийн хүчтэй цохилт авбал тархинд цус харваж үхэх аюултай. Үүнийг хэн ч тооцоолж чадна” хэмээжээ.
Эх сурвалж: Yonhap
Уучлаарай, Таны хайсан хуудас олдсонгүй