Копенхаген хотоор аялахдаа байгаль орчиндоо ээлтэй үйлдэл хийж, хотын ариун цэвэрт гар бие оролцсон жуулчдад үнэгүй хоол, үйлчилгээ гээд олон төрлийн шагнал урамшуулалтай “CopenPay” үйлчилгээ нэвтэрч байгаа гэдгийг хотын аялал жуулчлалын албаныхан мэдээлжээ.

Тухайлбал, долоодугаар сарын 15-аас хэрэгжиж эхлэх дээрх тогтолцоо ёсоор хог түүсэн, нийтийн тээврээр зорчсон, унадаг дугуйгаар аялсан гэх мэт байгальд ээлтэй жуулчид төрөл бүрийн үйлчилгээгээр шагнуулдаг болох юм байна.

Шагналын сангаас дурдвал, үнэгүй өдрийн хоол, кофе, хундага дарс, завь түрээс зэрэг бий гэнэ.

Албаныхны мэдээлж байгаагаар энэ бол аялал жуулчлалын салбарыг байгальд ээлтэй болгох нээн жижигхэн алхам аж. Онгоц, машинаар зорчиход байгалийг ихээр бохирдуулдаг тул унадаг дугуй, нийтийн тээвэр бол түүний дэргэд байгальд илүү ээлтэй сонголт юм. Иймд жуулчид хог түүж, эсвэл нийтийн тээвэр, унадаг дугуйгаар зорчиж байгаагаа гэрэл зургаар баримтжуулан өгснөөр хотын захиргаанаас бэлсэн олон урамшууллаас хүртэх боломжтой болж байна.

Нөгөө талаас хотын удирдлагууд шинэ урамшууллын тогтолцоонд үзвэр, үйлчилгээний газруудыг олноор нэгдэхийг уриалж байгаа нь ч үр дүнд хүрч, өдгөө нийт 24 байгууллага хамтрахаа идэрхийлээд байгаа аж.

Эх сурвалж: BBC