Сансар судлаачид цолмон буюу сугар гаргийн үүлэн дунд дэлхийн амьд биетүүдээс ялгардагтай ойролцоо хоёр төрлийн хий байгааг илрүүлжээ.
Тухайлбал, Нэгдсэн Вант улсын сансар судлаачдын хурал дээр албаныхан хахир хатуу цолмон гаргийн үүлэн дунд аммиак байгааг илрүүлснээ зарласан аж. Дэлхий дээр бол аммиак биологийн үйл ажиллагааны дүнд үүсдэг хий билээ.
Үүнээс өмнө 2020 онд өөр нэгэн судалгааны баг мөн гаргийн үүлэнд фосфины найрлага байгаа нь амьдрал байж болзошгүй гэсэн тэмдэг гэдгийг зарлаж, түүнээс болж эрдэмтэд одоог болтол энэ тал дээр маргаантай байгаа юм.
Хэдий аймшигтай халуун бөгөөд дэндүү бүгчим тус гараг дээр амьдрал байгаа гэдгийг дээрх хоёр хий нэг мөр баталж чадахгүй ч гэлээ хүн төрөлхтний хөрш зэргэлдээ байгаа, эсвэл байсан амьдрал, соёл иргэншлийн эрэлд нэгэн амжилттай алхам болж байна.
Эх сурвалж: Guardian
