БНХАУ-ын Боловсролын яамнаас мэдэгдэж байгаагаар Хятад улс төвийн болоод баруун бүс нутгуудын хүн амын боловсролыг дээшлүүлэхээр тэтгэвэрт гарсан багш нарыг томилохоор болжээ.
Тус яамнаас төлөвлөснөөр тэтгэвэрт гарсан, бага, дунд сургуулийн нийт 4500 багш, сургуулийн захирлуудыг бүртгэж авах гэнэ. Улмаар тэдгээр багш нарыг аймгийн түвшний 18 бүс нутаг болоод Шинжааны үйлдвэрлэл, барилгын сургуульд томилох ажээ.
Түүнчлэн 300 гаруй тэтгэвэрт гарсан профессор, туслах профессор нарыг улсын баруун бүс рүү илгээхээр болсон байна. Багш, профессоруудыг илүү хөгжингүй бүсүүдийн 75 их сургууль, коллежоос сонгон авах гэнэ.
Эх сурвалж: Xinhua